Daniyaning Gundslev shahri yaqinida Storstryom deb nomlanuvchi dunyodagi eng qulay qamoqxona ochildi. Uni qurish taxminan 160 million dollarga tushdi, deb yozadi Daily Mail.
Qamoqxona 250 mahbus uchun mo‘ljallangan. Ularning har biriga maydoni to‘rt kvadrat metr bo‘lgan va televizor, sovitgich, shkaf, katta deraza va vannaxonaga ega kamera ajratiladi. Turmaning o‘z cherkovi, ibodat zali, sport maydonlari, umumiy xonalari, bog‘lari va qishloq xo‘jalik maydonlari bor.
Me’morlar g‘oyasiga ko‘ra, muhit mahbuslarni qayta tarbiyalash uchun imkoniyat yaratishi va xodimlar uchun yoqimli joy bo‘lishi kerak. Qamoqxonani qurishga besh yil vaqt sarflandi.
Izoh (0)