Sankt-Peterburgdagi teraktda “minglab kishilar” qurbon bo‘lishi mumkin edi, dedi AQSh prezidenti Donald Tramp o‘zining ilk milliy xavfsizlik strategiyasini taqdim etar ekan. Bu haqda “Vedomosti” xabar berdi.
U terrorchilik hujumi oldini olish uchun razvedka ma’lumotlarini Rossiyaga AQSh Markaziy razvedka boshqarmasi taqdim etganini eslatdi. “Ehtimol minglab kishilar halok bo‘lishi mumkin edi… Ular ushbu terrorchilarni hujumga qadar qo‘lga olishga muvaffaq bo‘ldi. Va bu ajoyib. Bu aynan mana shunday ishlash kerak, demakdir”, — dedi Tramp.
15-dekabr kuni Federal xavfsizlik xizmati IShIDning yetti a’zosini Qozon soborida va odamlar gavjum bo‘ladigan boshqa joylarda teraktlar tayyorlashda gumon qilib hibsga olgan edi. Keyinroq Rossiya prezidenti Vladimir Putin AQSh prezidenti Donald Tramp bilan telefon orqali muloqotda bo‘ldi va unga Sankt-Peterburgdagi terakt oldini olishda yordam bergan Markaziy razvedka boshqarmasi axboroti uchun minnatdorlik bildirdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)