Трамп: Санкт-Петербургда терактнинг олди олиниши туфайли «минглаб» кишилар қутқариб қолинди

Санкт-Петербургдаги терактда «минглаб кишилар» қурбон бўлиши мумкин эди, деди АҚШ президенти Дональд Трамп ўзининг илк миллий хавфсизлик стратегиясини тақдим этар экан. Бу ҳақда «Ведомости» хабар берди.

У террорчилик ҳужуми олдини олиш учун разведка маълумотларини Россияга АҚШ Марказий разведка бошқармаси тақдим этганини эслатди. «Эҳтимол минглаб кишилар ҳалок бўлиши мумкин эди… Улар ушбу террорчиларни ҳужумга қадар қўлга олишга муваффақ бўлди. Ва бу ажойиб. Бу айнан мана шундай ишлаш керак, демакдир», — деди Трамп.

15 декабрь куни Федерал хавфсизлик хизмати ИШИДнинг етти аъзосини Қозон соборида ва одамлар гавжум бўладиган бошқа жойларда терактлар тайёрлашда гумон қилиб ҳибсга олган эди. Кейинроқ Россия президенти Владимир Путин АҚШ президенти Дональд Трамп билан телефон орқали мулоқотда бўлди ва унга Санкт-Петербургдаги теракт олдини олишда ёрдам берган Марказий разведка бошқармаси ахбороти учун миннатдорлик билдирди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.