Belgiyada 29-dekabr kuni telegrafning ishi to‘xtatiladi. Uning yordamida birinchi xabar bundan 171 yil avval Bryusseldan Antverpenga yuborilgan edi, deb xabar bermoqda TJournal.
Belgiya telegrafidan so‘nggi vaqtlarda 10 ta kompaniya va bir necha kishi foydalangan. Telegrammalarda asosan sud chaqiruvlari jo‘natilgan. Telegrammalarni olish va jo‘natishda ularni yuridik qayd etish imkoniyati bo‘lgani sababli bu xizmatdan foydalanilgan.
Telegrafdan voz kechishning asosiy sabablaridan biri uning narxi bo‘lgan, 20 ta so‘zdan iborat standart telegrammani jo‘natish narxi 23 yevroni tashkil qiladi. Telegramma jo‘natish uchun operatorga qo‘ng‘iroq qilish va pochta orqali keyinchalik jo‘natiladigan xabarni bittalab aytish kerak edi.
AQSh telegrafdan 2006-yilda voz kechgan. 2013-yilda esa Hindiston shunday ishni amalga oshirgan.
Izoh (0)