Бельгияда 29 декабрь куни телеграфнинг иши тўхтатилади. Унинг ёрдамида биринчи хабар бундан 171 йил аввал Брюсселдан Антверпенга юборилган эди, деб хабар бермоқда TJournal.
Бельгия телеграфидан сўнгги вақтларда 10 та компания ва бир неча киши фойдаланган. Телеграммаларда асосан суд чақирувлари жўнатилган. Телеграммаларни олиш ва жўнатишда уларни юридик қайд этиш имконияти бўлгани сабабли бу хизматдан фойдаланилган.
Телеграфдан воз кечишнинг асосий сабабларидан бири унинг нархи бўлган, 20 та сўздан иборат стандарт телеграммани жўнатиш нархи 23 еврони ташкил қилади. Телеграмма жўнатиш учун операторга қўнғироқ қилиш ва почта орқали кейинчалик жўнатиладиган хабарни битталаб айтиш керак эди.
АҚШ телеграфдан 2006 йилда воз кечган. 2013 йилда эса Ҳиндистон шундай ишни амалга оширган.
Изоҳ (0)