KXDR yetakchisi Kim Chen In Pxenyanning yangi turdagi qurol-yarog‘lar yaratish sohasidagi muvaffaqiyatlarini qayd etib, mamlakatni “dunyodagi eng qudratli yadroviy va harbiy davlat”ga aylantirish maqsadini qo‘ydi, deb yozadi “TASS”. Bunday bayonot bilan u mudofaa sanoati ishchilari qurultoyida chiqish qildi.
“Oliy yetakchi mudofaa samoatini rivojlantirish uchun amalga oshirish kerak bo‘lgan uzoq muddatli maqsadlarni, strategik vazifalarni belgilab berdi. Shuningdek, u mamlakatimizni yanada buyuklashtirish hamda uni dunyodagi eng qudratli yadroviy va harbiy davlatga aylantirish haqida ko‘rsatma berdi”, — deyiladi Markaziy telegraf agentligi xabarida.
Bundan tashqari, Kim Chen In strategik qurol-yarog‘, shu jumladan, atom va vodorod bombalari, shuningdek, “Xvason-15” qit’alararo ballistik raketa yaratilishini “partiya va xalqning tarixiy g‘alabasi” deb atadi. Uning so‘zlariga ko‘ra, KXDR mudofaa sanoati hozirgi holatida mustaqil ravishda qurol-yarog‘ning har qanday turini yaratish imkonini beradi.
Izoh (0)