Pensilvaniyalik noma’lum hotamtoy Walmart supermarketida xaridi kechiktirilgan barcha mahsulotlar uchun pul to‘ladi, deb yozadi TJournal. Do‘kon vakillarining so‘zlariga ko‘ra, u keyinroq xarid qilish uchun qoldirilgan barcha mahsulotlar uchun 40 ming dollar (taxminan 320 million so‘m) to‘lab, kamida 200 oilaning “Yangi yil dasturxoni to‘kinligi”ni ta’minlagan.
Supermarket ishchilari tanlab qo‘ygan mahsulotlarini keyinroq sotib olmoqchi bo‘lgan barcha xaridorlarga qo‘ng‘iroq qilib, mahsulotlar haqi to‘langanini aytib chiqqan. Local 21 News nashri ana shunday baxtiyor xaridorlardan biri — Kristen Martin xonimning so‘zlaridan iqtibos keltirgan.
Dekabr oyida rostmana katta to‘lovlarni amalga oshirishga to‘g‘ri keldi. Masalan, suv ta’minoti uchun 800 dollar to‘lashim kerak edi, shu sababli ham xaridlarning bir qismini keyinroqqa qoldirib, biror iloji topilar deb, umid qilib turgandim.Walmart xodimi Barbara Karnsning ta’kidlashicha, 20 supermarketdagi 20 yillik faoliyati davomida “hech qachon bu darajadagi hotamtoylik bilan to‘qnash kelmagan”.Kristen Martin, mahalliy xaridor ayol
Bu yerlarda bunaqangi voqealarga har kuni ham guvoh bo‘lavermaysan. Albatta, kimdir boshqa birov uchun qandaydir mayda narsalar haqini to‘lab berishi holatlari bo‘lib turadi, lekin bunisi — rostmana katta ish.O‘tgan yili ham bir noma’lum shaxs boshqalarning kechiktirilgan xaridlari uchun pul to‘lagan edi. Uning aynan kimligi — noma’lum, buni hatto Walmart xodimlari ham bilmaydi. 2017-yilgi hotamtoy bilan o‘tgan yilgisi bir kishimi yoki yo‘q — bunisi ham savol. Do‘konda uni “Santa B” deb atashadi.Barbara Karns, Walmart xodimi
Izoh (0)