Пенсильваниялик номаълум ҳотамтой Walmart супермаркетида хариди кечиктирилган барча маҳсулотлар учун пул тўлади, деб ёзади TJournal. Дўкон вакилларининг сўзларига кўра, у кейинроқ харид қилиш учун қолдирилган барча маҳсулотлар учун 40 минг доллар (тахминан 320 миллион сўм) тўлаб, камида 200 оиланинг «Янги йил дастурхони тўкинлиги»ни таъминлаган.
Супермаркет ишчилари танлаб қўйган маҳсулотларини кейинроқ сотиб олмоқчи бўлган барча харидорларга қўнғироқ қилиб, маҳсулотлар ҳақи тўланганини айтиб чиққан. Local 21 News нашри ана шундай бахтиёр харидорлардан бири — Кристен Мартин хонимнинг сўзларидан иқтибос келтирган.
Декабрь ойида ростмана катта тўловларни амалга оширишга тўғри келди. Масалан, сув таъминоти учун 800 доллар тўлашим керак эди, шу сабабли ҳам харидларнинг бир қисмини кейинроққа қолдириб, бирор иложи топилар деб, умид қилиб тургандим.Walmart ходими Барбара Карнснинг таъкидлашича, 20 супермаркетдаги 20 йиллик фаолияти давомида «ҳеч қачон бу даражадаги ҳотамтойлик билан тўқнаш келмаган».Кристен Мартин, маҳаллий харидор аёл
Бу ерларда бунақанги воқеаларга ҳар куни ҳам гувоҳ бўлавермайсан. Албатта, кимдир бошқа биров учун қандайдир майда нарсалар ҳақини тўлаб бериши ҳолатлари бўлиб туради, лекин буниси — ростмана катта иш.Ўтган йили ҳам бир номаълум шахс бошқаларнинг кечиктирилган харидлари учун пул тўлаган эди. Унинг айнан кимлиги — номаълум, буни ҳатто Walmart ходимлари ҳам билмайди. 2017 йилги ҳотамтой билан ўтган йилгиси бир кишими ёки йўқ — буниси ҳам савол. Дўконда уни «Санта Б» деб аташади.Барбара Карнс, Walmart ходими
Изоҳ (0)