Rossiyaning Omsk shahrida 17 yoshli o‘smir 60 ming rublga (1010 dollar) bitkoin sotib olishga harakat qildi, biroq firibgarlar qurboniga aylandi. Bu haqda TJournal xabar berdi.
Xabar berilishicha, o‘smir Yangi yil uchun pul ishlab olishni xohlagan va kriptovalyuta boyib ketishning tezroq yo‘li, degan qarorga kelgan. U internetda bitkoin savdosi haqidagi e’lonni topgan va sotuvchi bilan bog‘langan.
Sotuvchi qiz o‘smirga bitta bitkoinni 60 ming rublga sotib olishni taklif qilgan. O‘smir esa darhol so‘ralgan pulni qizning hisobiga o‘tkazgan, biroq va’da qilingan valyutani olmagan.
Politsiyachilar qizning shaxsini aniqlash ustida ishlamoqda, shuningdek, o‘tkazmani tekshirmoqda va jinoyat qayerdan sodir etilganini aniqlamoqda.
Izoh (0)