30 yoshli erkak 2-dekabr kuni taxminan soat 19:45 da Toshkent shahrining Shayxontohur tumani hududida 40 yoshli tadbirkorga pichoq bilan jarohat yetkazdi. Bu haqda UzNews xabar bermoqda.
Shayxontohur tuman IIBga ko‘ra, hodisa ko‘chada ikki erkak o‘rtasida kelib chiqqan janjal oqibatida sodir bo‘lgan. Avval sudlanmagan va vaqtincha ishsiz bo‘lgan 1987-yilda tug‘ilgan fuqaro tadbirkorning qorin qismiga oshxona pichog‘i bilan jarohat yetkazgan.
Natijada jabrlanuvchi 1-sonli davlat shifoxonasiga yotqizilgan.
Mazkur holat yuzasidan Jinoyat kodeksining 227-moddasi 2-qismi “v” bandi bilan jinoiy ish qo‘zg‘atildi. Dastlabki tergov harakatlari davom etmoqda.
Izoh (0)