3-dekabrdan 4-dekabrga o‘tar kechasi Yer aholisi “super Oy”ni kuzatishga muvaffaq bo‘ldi. Yerning yo‘ldoshi maksimal darajada yaqin masofaga keldi va odatdagidan ancha ulkan ko‘rindi. Hodisaga guvoh bo‘lganlar o‘zlari olgan suratlarni internetga joyladi, deb xabar berdi “RIA Novosti”.
https://twitter.com/ABC/status/937514914280890368
Amerikaning ABC News telekanali Rod-Aylend shtatidagi botayotgan oyning tezlashtirilgan videoyozuvini taqdim etdi.
“Sinxua” agentligi esa Singapur, Pokiston, Myanma va Filippinda kameraga muhrlangan Oyning suratlari bilan bo‘lishdi.
“Uyga ketayotganimizda “super-Oy” ufqdan ko‘tarilganiga guvoh bo‘ldik. U juda ajoyib va ulkan edi”, — deb yozadi tarmoqning Buyuk britaniyalik foydalanuvchilaridan biri.
“Super Oy” odatdagi Oydan 30 foizga yorqin va 14 foizga kattaroq ko‘rinadi. Bundan tashqari to‘lin Oy odatda to‘q sariq rangda bo‘ladi.
Joriy qish faslida “super Oy” hodisasi uch marta kuzatiladi. Ikkinchi marta 2-yanvarda, uchinchisi 31-yanvarda ro‘y berishi kutilmoqda.
Izoh (0)