Amerikalik senator Lindsi Grem fikricha, yaqinlashib kelayotgan muqarrar qurolli nizo munosabati bilan Janubiy Koreyadan AQSh vakolatxonasi xodimlarining xotinlari va farzandlarini evakuatsiya qilish kerak, deb yozadi “Interfaks”.
“Shimoliy Koreya tomonidan provokatsiyalar sharoitida ularning xotin va bola-chaqalarini yuborish uchun odam aqldan ozgan bo‘lishi kerak”, — dedi siyosatchi.
Amerika prezidentining milliy xavfsizlik bo‘yicha maslahatchisi Gerbert Makmaster Pxenyan bilan urushga tayyorlanish uchun AQShda kam vaqt qolayotganini aytdi. “Ushbu muammoni qurolli nizosiz hal qilishning yo‘llari mavjud, ammo poyga ketmoqda, Kim Chen In bunga tobora yaqinlashib bormoqda va bizda kam vaqt qolmoqda”, — dedi u.
Xabarlarga ko‘ra, Shimoliy Koreya raketa uchirganidan keyin, AQSh o‘z g‘arbiy qirg‘oqlarida raketaga qarshi mudofaa tizimini kuchaytirish masalasini ko‘rib chiqmoqda. Bunday topshiriq allaqachon AQSh Raketaga qarshi mudofaa agentligiga berilgan.
Izoh (0)