3 декабрдан 4 декабрга ўтар кечаси Ер аҳолиси «супер Ой»ни кузатишга муваффақ бўлди. Ернинг йўлдоши максимал даражада яқин масофага келди ва одатдагидан анча улкан кўринди. Ҳодисага гувоҳ бўлганлар ўзлари олган суратларни интернетга жойлади, деб хабар берди «РИА Новости».
https://twitter.com/ABC/status/937514914280890368
Американинг ABC News телеканали Род-Айленд штатидаги ботаётган ойнинг тезлаштирилган видеоёзувини тақдим этди.
«Синьхуа» агентлиги эса Сингапур, Покистон, Мьянма ва Филиппинда камерага муҳрланган Ойнинг суратлари билан бўлишди.
«Уйга кетаётганимизда «супер-Ой» уфқдан кўтарилганига гувоҳ бўлдик. У жуда ажойиб ва улкан эди», — деб ёзади тармоқнинг Буюк британиялик фойдаланувчиларидан бири.
«Супер Ой» одатдаги Ойдан 30 фоизга ёрқин ва 14 фоизга каттароқ кўринади. Бундан ташқари тўлин Ой одатда тўқ сариқ рангда бўлади.
Жорий қиш фаслида «супер Ой» ҳодисаси уч марта кузатилади. Иккинчи марта 2 январда, учинчиси 31 январда рўй бериши кутилмоқда.
Изоҳ (0)