Fuqarolik urushi yillarida Suriyada 24746 ayol halok bo‘ldi. Ularning ko‘pchiligi hukumat armiyasi xizmatchilari tomonidan o‘ldirildi, deb xabar beradi Suriyaning inson huquqlari bo‘yicha tashkiloti (SNHR).
Huquq himoyachilari 2011-yil martidan 2017-yil noyabriga qadar bo‘lgan statistikani taqdim etdi. SNHR vakillari 25 ming o‘ldirilgan xotin-qizlarning 11,5 mingga yaqini bolalar va o‘smirlar bo‘lganini ma’lum qildi.
Ularning 84,53 foizi Bashar Asad rejimi qurbonlaridir. Jumladan, 21 mingga yaqin ayol harbiylar tomonidan o‘ldirilgan. Yana 988 ayol va qiz Rossiya armiyasi tomonidan. 611 nafar xotin-qizning o‘ldirilishida AQSh boshchiligidagi xalqaro koalitsiya kuchlari, 573 nafarining o‘limida esa IShID jangarilari aybdor.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)