IShID jangarilari Misrdagi Ar-Raud masjidida terakt uyushtirish bilan bir yil avval tahdid qilgan

IShID Sinaydagi Ar-Raud masjidiga hujum qilishidan qariyb bir yil avval yarim orol shimolidagi aynan shu masjidni portlatib yuborish bilan tahdid qilgan, deb yozadi “TASS” Al Arabiya telekanaliga tayanib.

IShID matbuot organida o‘tgan yil dekabri boshidayoq o‘zini IShIDning Sinaydagi yacheykasi deb e’lon qilgan “Vilayet Sina” (“Sinay viloyati”) guruhi jangarilaridan biri Ar-Raud masjidi radikallarning bevosita nishonlaridan biri ekanligini aytgan. O‘shanda u Sinay shimolidagi, so‘fiylik izdoshlari orasida mashhur bo‘lgan maqbara va masjidlarga hujum uyushtirish niyatlari haqida e’lon qilgan edi. Ular orasida u Bir al-Obod aholi punktidagi Ar-Raud masjidini ham tilga olgan.

So‘nggi ma’lumotlarga ko‘ra, Sinay shimolidagi Bir al-Obid shahridagi masjidga terrorchilar tomonidan amalga oshirilgan hujum oqibatida 305 kishi halok bo‘lgan. Misr rasmiylariga ko‘ra, hujumga aloqador barcha jangarilar yo‘q qilingan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.