AQSh davlat kotibi Reks Tillerson Hindistonda bo‘lajak tadbirkorlik sammitida (Global Entrepreneurship Summit) mamlakat delegatsiyasini prezident Trampning qizi va yordamchisi Ivanka boshqarishi sababli u yerga yetakchi diplomatlarni yubormasligi mumkin. Bu haqda “TASS” xabar bermoqda.
CNN telekanalining Davlat departamentidagi manbalariga ko‘ra, Tillerson prezidentning qizini qo‘llab-quvvatlashni istamagani uchun shunday qaror qabul qildi. Oldingi yillari mazkur sammitga sobiq AQSh prezidenti Barak Obama, sobiq davlat kotibi Jon Kerri tashrif buyurgandi.
“Davlat kotibi yordamchisining o‘rinbosaridan yuqori lavozimdagilarga tadbirda ishtirok etishga ruxsat berilmadi. Rahbariyat tashrifning barcha ikir-chikirlarigacha kelishilishi talab qilmoqda. Tillerson va uning atrofidagilar Ivankani qo‘llab-quvvatlashni istamagani uchun yuqori martabali shaxslardan hech kimni yubormaydi”, — dedi manbalardan biri.
Izoh (0)