Liviyaning g‘arbiy qirg‘oqlarida uncha katta bo‘lmagan kemaning halokatga uchrashi oqibatida kamida 25 nafar muhojir halok bo‘ldi. Reuters xabariga ko‘ra, hodisa 25-noyabr, shanba kuni yuz bergan.
Kema halokatidan omon qolganlar Tripoli portiga qaytarib olib kelingan. “TASS” xabariga ko‘ra, omon qolgan muhojirlarning soni hozircha ma’lum qilinmayapti.
Yaqin Sharq va Shimoliy Afrika mintaqasidagi qator mamlakatlarni nizolar qamrab olgach, 2015-yildan ushbu mamlakatlardan Yevropaga O‘rtayer dengizi orqali o‘tishga urinuvchi muhojirlar soni keskin ko‘paydi.
O‘rtayer dengizi muhojirlarning Yevropa Ittifoqi kirib kelishi bo‘yicha asosiy harakat yo‘nalishi hisoblanadi. Bu borada Bolqon yarimoroli ikkinchi o‘rinda turadi.
Izoh (0)