Ливиянинг ғарбий қирғоқларида унча катта бўлмаган кеманинг ҳалокатга учраши оқибатида камида 25 нафар муҳожир ҳалок бўлди. Reuters хабарига кўра, ҳодиса 25 ноябрь, шанба куни юз берган.
Кема ҳалокатидан омон қолганлар Триполи портига қайтариб олиб келинган. «ТАСС» хабарига кўра, омон қолган муҳожирларнинг сони ҳозирча маълум қилинмаяпти.
Яқин Шарқ ва Шимолий Африка минтақасидаги қатор мамлакатларни низолар қамраб олгач, 2015 йилдан ушбу мамлакатлардан Европага Ўртаер денгизи орқали ўтишга уринувчи муҳожирлар сони кескин кўпайди.
Ўртаер денгизи муҳожирларнинг Европа Иттифоқи кириб келиши бўйича асосий ҳаракат йўналиши ҳисобланади. Бу борада Болқон яримороли иккинчи ўринда туради.
Изоҳ (0)