Belovej o‘rmon qo‘riqxonasining Polshadagi qismida daraxtlar kesilishi to‘xtatildi va og‘ir texnika olib chiqib ketildi. Bu haqda Polsha o‘rmonlari direksiyasi rahbari Konrad Tomashevski ma’lum qildi, deya xabar beradi “RBK”.
Daraxtlar kesilishi Yevropa sudi Polshaga qo‘riqxonadagi ishlarning har bir kuni uchun 100 ming yevro miqdorida jarima solish bilan tahdid qilganidan so‘ng to‘xtatildi.
Sud tabiat resurslari xavfsizligiga tegishlisidan tashqari barcha o‘rmon-xo‘jalik ishlarini zudlik bilan to‘xtatishni talab qildi.
Polsha rasmiylari Belovej pushchasida daraxtlar kesilishini po‘stloqxo‘r qo‘ng‘izga qarshi kurash bilan izohladi. Zararkunanda 34 ming gektar maydondagi dov-daraxtga ziyon yetkazgani bildirilmoqda.
Izoh (0)