Беловеж ўрмон қўриқхонасининг Польшадаги қисмида дарахтлар кесилиши тўхтатилди ва оғир техника олиб чиқиб кетилди. Бу ҳақда Польша ўрмонлари дирекцияси раҳбари Конрад Томашевски маълум қилди, дея хабар беради «РБК».
Дарахтлар кесилиши Европа суди Польшага қўриқхонадаги ишларнинг ҳар бир куни учун 100 минг евро миқдорида жарима солиш билан таҳдид қилганидан сўнг тўхтатилди.
Суд табиат ресурслари хавфсизлигига тегишлисидан ташқари барча ўрмон-хўжалик ишларини зудлик билан тўхтатишни талаб қилди.
Польша расмийлари Беловеж пушчасида дарахтлар кесилишини пўстлоқхўр қўнғизга қарши кураш билан изоҳлади. Зараркунанда 34 минг гектар майдондаги дов-дарахтга зиён етказгани билдирилмоқда.
Изоҳ (0)