O‘zbekiston Respublikasi Konstitutsiyasi qabul qilinganining 25 yilligi oldidan Sirdaryo viloyati Guliston shahridagi “Yangi hayot” massivida yangidan bunyod etilgan maktab binosi foydalanishga topshirildi. Bu haqda O‘zA xabar bermoqda.
316 o‘ringa mo‘ljallangan ta’lim muassasasida “Anvarbek” mas’uliyati cheklangan jamiyati quruvchilari tomonidan uch milliard 200 million so‘mlik qurilish-montaj ishlari bajarildi.
Ta’lim muassasasining sinf xonalari va laboratoriya xonalari zamonaviy o‘quv jihozlari, asbob-uskunalar bilan ta’minlandi. 1,5 ming kitob fondiga ega kutubxona, 120 o‘rinli faollar zalida barcha sharoit yaratilgan. Shuningdek, maktabda zamonaviy sport zali ham bunyod etildi.
Izoh (0)