Rossiyadagi to‘rtta biznes uyushmaning rahbarlari mamlakat prezidenti Vladimir Putinga bosh vazir Dmitriy Medvedevning harakatlari ustidan shikoyat yo‘lladi. Shikoyatda ta’kidlanishicha, hukumat tomonidan uch yillik budjet loyihasiga kiritilgan yangi to‘lovlar sababli tadbirkorlar 2018-yilning o‘zidayoq qo‘shimcha 100 milliard rubl (1,677 milliard dollar atrofida) to‘lashlari kerak bo‘lmoqda, deb xabar berdi “MK.ru”.
Putinga murojaatni Rossiya Sanoatchilar va tadbirkorlar uyushmasi, “Ishbilarmon Rossiya”, Savdo-sanoat palatasi hamda “Rossiya tayanchi” uyushmalarining prezidentlari maktub orqali yo‘llagan.
Tadbirkorlarning hujjatda ko‘rsatishlaricha, mavjud fiksal yuklamani o‘zgartirmaslik borasidagi bitimning mavjudligiga qaramay (uning o‘sishi borasidagi moratoriysi 2018-yil oxirigacha amalda edi), kelgusi yilning o‘zidayoq bizneslar har xil to‘lovlar shaklida qo‘shimcha 100 milliard rubldan ortiq mablag‘ to‘lashi kerak.
Masalan, yaqin uch yillik budjet loyihasiga bir vaqtning o‘zida rasmiy soliq maqomiga ega bo‘lmagan uchta to‘lov kiritilmoqda. Gap stanoklar va uskunalar importi, og‘ir va energetika ishlab chiqarish vositalari uchun 7 foizli tovon puli, dengiz portlarida 25 foiz sarmoya yig‘ish haqida ketmoqda.
Biznesmenlar prezidentni ushbu yuklamalar investitsiyalarning muqarrar qisqarishiga, ishlab chiqarish vositalari va deyarli barcha sohalardagi yakuniy mahsulot narxning ko‘tarilishiga olib kelishi haqida ogohlantirdi.
Izoh (0)