20-noyabr kuni Iroq oliy federal sudi sentabr oxirida o‘tkazilgan Kurdiston mustaqilligi to‘g‘risidagi referendumni mamlakat konstitutsiyasiga zid deb topdi. Bu haqda “Interfaks” xabar bermoqda.
Shu tarzda sud mazkur referendumning barcha natijalar va ular asosida qabul qilingan barcha qarorlarni noqonuniy deb e’lon qildi.
25-sentabr kuni Iroqning Kurdiston muxtoriyatida mustaqillik to‘g‘risida referendum bo‘lib o‘tdi. Referendum ishtirokchilarining 90 foizi muxtoriyatning Iroq tarkibidan ajralishini yoqlab ovoz bergan.
Rasmiy Bag‘dod hukumati referendum natijalarini tan olmadi va mamlakat hududiy yaxlitligini saqlab qolishga chorlamoqda.
Izoh (0)