20 ноябрь куни Ироқ олий федерал суди сентябрь охирида ўтказилган Курдистон мустақиллиги тўғрисидаги референдумни мамлакат конституциясига зид деб топди. Бу ҳақда «Интерфакс» хабар бермоқда.
Шу тарзда суд мазкур референдумнинг барча натижалар ва улар асосида қабул қилинган барча қарорларни ноқонуний деб эълон қилди.
25 сентябрь куни Ироқнинг Курдистон мухториятида мустақиллик тўғрисида референдум бўлиб ўтди. Референдум иштирокчиларининг 90 фоизи мухториятнинг Ироқ таркибидан ажралишини ёқлаб овоз берган.
Расмий Бағдод ҳукумати референдум натижаларини тан олмади ва мамлакат ҳудудий яхлитлигини сақлаб қолишга чорламоқда.
Изоҳ (0)