O‘zbekiston Davlat bayrog‘i qabul qilingan kun — 18-noyabrga bag‘ishlab Mudofaa vazirligi tomonidan 10 kilometr masofaga ommaviy yugurish aksiyasi o‘tkaziladi. Bu haqda vazirlik matbuot xizmati xabar berdi.
Qayd etishlaricha, ushbu aksiya yengil atletika sport turlarini yanada ommalashtirish, aholi va yoshlar o‘rtasida sog‘lom turmush tarzini targ‘ib qilishga yo‘naltirilgan.Aksiyada O‘zbekiston Qurolli Kuchlar tuzilmalaridagi vazirlik va idoralarning harbiy xizmatchilaridan iborat jamoalar uch yosh toifasida (35 yoshgacha, 45 yoshgacha va 45 yoshdan yuqori) ishtirok etadi.
Ommaviy yugurish 18-noyabr kuni soat 10:00 da Toshkentning Mahtumquli ko‘chasidagi “Korzinka.uz Aviator” supermarketidan boshlanadi. Shuningdek, unda Qurolli Kuchlar Markaziy ashula va raqs ansambli xonandalari tomonidan konsert dasturi namoyishi rejalashtirilgan.
Izoh (0)