Hamkorbank o‘z faoliyatining dastlabki kunlaridanoq tadbirkor va ishbilarmonlarga qulay shart-sharoitlar yarata boshladi. Dastlab ular uchun imtiyozli xizmatlar, kreditlar taqdim etilgan bo‘lsa, 2010-yilga kelib hududlarda barcha qulayliklarga ega bo‘lgan biznes markazlar qurila boshlandi. Andijon, Namangan va Samarqandda barpo etilgan besh qavatli “Hamkor” xalqaro biznes markazlari buning yorqin misolidir.
Joriy yilda esa mamlakatimizning shimoliy hududi bo‘lmish Xorazm viloyati markazi — Urganch shahrida ham ana shunday yirik majmua barpo etildi.
Zamonaviy me’morlik andozalari asosida bunyod etilgan mazkur biznes markazi besh qavatdan iborat. Uning birinchi va ikkinchi qavatlaridan Hamkorbank’ning yangi — Xorazm mintaqaviy filiali joy olgan.
Kichik biznes subyektlari uchun ofislar esa uchinchi va to‘rtinchi qavatlarda joylashgan. Shuningdek, markazda anjumanlar zali (140 o‘rinli), o‘quv zali (70 o‘rinli) hamda muzokaralar xonasi mavjud bo‘lib, ular eng so‘nggi rusumdagi multimediya jihozlari bilan ta’minlangan.
Markazning beshinchi qavatida qishki (140 o‘rinli) va yozgi restoran (150 o‘rinli) faoliyat yuritadi. Bu yerda korporativ tadbirlar, yubileylar, furshetlar va boshqa marosimlarni yuqori saviyada o‘tkazish uchun barcha qulayliklar mavjud.
Binoning eng yuqori nuqtasida joylashgan sayilgohdan mahalliy aholi va xorijlik mehmonlar Urganchning ko‘rkam va latofatli qiyofasini miriqib tomosha qilishlari mumkin.
Binodagi qulayliklar shu bilan nihoyalanmaydi. Xorijdan keltirilgan oynavand lift, sahna landshafti, tungi chiroqlar, turfa rangda tovlanuvchi musiqali favvoralar Xorazm aholisi va mehmonlar uchun Konstitutsiyamizning 25 yilligiga bag‘ishlangan ajoyib tuhfadir.
Biznes markaz ichidagi noan’anaviy dizayn asosida bezatilgan keng xoll, anjumanlar zali, dam olish xonasi, eng so‘nggi modeldagi mebel jihozlari, uzluksiz elektr ta’minoti har qanday tadbirkorning qalbida yaxshi ishlash va yashashga ishtiyoq uyg‘otadi.
Ko‘hna va navqiron Urganch shahridagi “Hamkor” biznes markaziga marhamat!
Telefon: (362) 770-55-77
Manzil: Urganch shahri, M. Xudayberganov ko‘chasi, №1 uy.
Reklama huquqi asosida!
Izoh (0)