Germaniyaning sobiq kansleri va “Rosneft” direktorlar kengashi raisi Gerxard Shryoder Die Zeit nashriga bergan intervyusida Rossiya prezidenti Vladimir Putinni qo‘llab-quvvatladi va Yevroittifoq sanksiyalariga qarshi chiqdi. Bu haqda “Korrespondent.net” xabar bermoqda.
“Trampga qarab, Putindek shaxs borligidan faqat quvonish mumkin”, — dedi Shryoder.
Sobiq kanslerga ko‘ra, Rossiya Berlin Yevroittifoq sanksiyalar siyosatining oldingi qatorida turganini tushunmaydi, chunki nemis rasmiylaridan Germaniyani birlashtirishga qo‘shgan hissasi tufayli yaxshiroq munosabatni kutadi.
Shryoder sanksiyalarga sabab bo‘layotgan Ukraina masalasiga to‘xtalib o‘tar ekan, Kiyev mojaroni bartaraf etish uchun astoydil harakat qilmayotganini bildirdi.
“Kiyev Donbassga qarshi urush olib bormoqda, mahalliy aholi energiya yetkazib berishdan uzib qo‘yilmoqda”, — ta’kidladi sobiq kansler.
Izoh (0)