8-noyabr kuni Toshkent shahridagi Le buffet kafesida fazogir-uchuvchi Vladimir Jonibekov bilab uchrashuv bo‘lib o‘tdi.
Vladimir Jonibekov afsonaviy fazogir-uchuvchi, ikki marotaba Sobiq Ittifoq qahramoni, aviatsiya general-mayori. Fazogir astronavtika va astrofizika sohasining rivojlanishiga munosib hissa qo‘shgan. Jonibekov tashabbusi bilan tennis raketkasi teoremasi(Jonibekov effekti deb ham ataladi) ishlab chiqilgan.
Bo‘lajak fazogir 1953-yildan 1958-yilgacha Toshkentdagi IIVga qarashli Suvorov nomidagi harbiy bilim yurtida o‘qigan, lekin keyinchalik hukumat qarori bilan ushbu bilim yurti qisqartirilgan. Shundan keyin Jonibekov maktabga qaytishga majbur bo‘lgan.
Vladimir Jonibekov 1985-yilning yozida hamrohi Viktor Savinix bilan Yer orbitasida bajarib bo‘lmaydigan missiyani uddaladi.
“Salyut-7”— bu sovet kosmik apparati hisoblanib, fazoning Yer orbitasida insonning uzoq muddatli ilmiy tadqiqotlar olib borishiga mo‘ljallangan.
Stansiyada olti oy fazogirlar bo‘lmaganligi sababli 1985-yilning 11-fevral kuni kosmik apparat bilan aloqa uzildi.
Stansiyaning atmosferaga kirishi va qulashi Yerdagi insonlar hayotini xavf ostiga qo‘yishi mumkin edi. Apparatning qoldiqlari Yerga yetib kelish ehtimoli mavjud bo‘lganligi uchun uni qayta ishga tushirish rejasi ishlab chiqiladi. 115 sutka davom etgan parvoz insoniyat tarixidagi kosmosga eng qiyin parvozlardan biri hisoblanadi.
Jonibekov fan bilan birga san’at bilan ham shug‘ullanadi. Fazogir kosmos bilan bog‘liq ko‘plab pochta markalari muallifidir.
Izoh (0)