8 ноябрь куни Тошкент шаҳридаги Le buffet кафесида фазогир-учувчи Владимир Жонибеков билаб учрашув бўлиб ўтди.
Владимир Жонибеков афсонавий фазогир-учувчи, икки маротаба Собиқ Иттифоқ қаҳрамони, авиация генерал майори. Фазогир астронавтика ва астрофизика соҳасининг ривожланишига муносиб ҳисса қўшган. Жонибеков ташаббуси билан теннис ракеткаси теоремаси(Жонибеков эффекти деб ҳам аталади) ишлаб чиқилган.
Бўлажак фазогир 1953 йилдан 1958 йилгача Тошкентдаги ИИВга қарашли Суворов номидаги ҳарбий билим юртида ўқиган, лекин кейинчалик ҳукумат қарори билан ушбу билим юрти қисқартирилган. Шундан кейин Жонибеков мактабга қайтишга мажбур бўлган.
Владимир Жонибеков 1985 йилнинг ёзида ҳамроҳи Виктор Савиних билан Ер орбитасида бажариб бўлмайдиган миссияни уддалади.
«Салют-7»— бу совет космик аппарати ҳисобланиб, фазонинг Ер орбитасида инсоннинг узоқ муддатли илмий тадқиқотлар олиб боришига мўлжалланган.
Станцияда олти ой фазогирлар бўлмаганлиги сабабли 1985 йилнинг 11 февраль куни космик аппарат билан алоқа узилди.
Станциянинг атмосферага кириши ва қулаши Ердаги инсонлар ҳаётини хавф остига қўйиши мумкин эди. Аппаратнинг қолдиқлари Ерга етиб келиш эҳтимоли мавжуд бўлганлиги учун уни қайта ишга тушириш режаси ишлаб чиқилади. 115 сутка давом этган парвоз инсоният тарихидаги космосга энг қийин парвозлардан бири ҳисобланади.
Жонибеков фан билан бирга санъат билан ҳам шуғулланади. Фазогир космос билан боғлиқ кўплаб почта маркалари муаллифидир.
Изоҳ (0)