8-noyabr kuni Toshkentdagi Wyndham Tashkent mehmonxonasida investitsion muhitni yaxshilash, erishilgan natijalarni o‘rganish va ustuvor yo‘nalishlarni belgilab olishga bag‘ishlangan xalqaro davra suhbati bo‘lib o‘tdi.
Investitsion jarayon ishtirokchilarini birlashtirgan mazkur tadbir, davlat va xalqaro tashkilot mutaxassislari, shuningdek eng yirik xorijiy va mahalliy korxona vakillari o‘rtasida O‘zbekistondagi investorlarning manfaatlarini ko‘zlovchi dolzarb masalalarni muhokama qilish uchun ochiq maydonchaga aylandi.
Forum O‘zbekiston Respublikasi Oliy Majlisi Senati, Investitsiyalar bo‘yicha davlat qo‘mitasi, BMT Taraqqiyot Dasturining “O‘zbekiston Respublikasida investitsion muhitni yaxshilash” loyihasi va YeTTBning O‘zbekistondagi vakolatxonasi bilan hamkorlikda Xalqaro press klub axborot ko‘magida tashkil etildi.
Iqtisodiy liberallashtirish jarayonlarida mamlakatning investitsion jozibadorligini oshirish 2017—2021-yillarda O‘zbekiston Respublikasini rivojlantirishning beshta ustuvor yo‘nalishlari bo‘yicha harakatlar strategiyasining muhim bosqichlaridan biri hisoblanadi.
Olib borilgan chora-tadbirlar natijasida 2011—2016-yillardagi ko‘rsatkichlar 3,3 dan 1,9 milliard AQSh dollarigacha bo‘lgan xorijiy investitsiyalar oqimining pasayish tendensiyasini o‘zgartirish imkonini berdi.
Davra suhbati ishtirokchilarining ta’kidlashicha, investitsion salohiyatning o‘sishiga to‘sqinlik qiluvchi asosiy omillar sohaga oid milliy qonunchilikning takomillashmagani, xususan qonunchilik me’yorlarining investitsiya sohalari bo‘ylab nomunosib tarqalishi, Qonun osti hujjatlarining qonunlarga zidligi investitsion qonunchilik samaradorligining pasayib ketishiga ta’sir etibgina qolmay iqtisodiyot rivoji va mamlakat imijiga salbiy ta’sir ko‘rsatmoqda.
Shu munosabat bilan Investitsiyalar bo‘yicha davlat qo‘mitasi tomonidan Oliy Majlis Senati va BMT Taraqqiyot Dasturining ekspertlari ko‘magida Investitsiya Kodeksini ishlab chiqishda ish olib boradigan idoralararo ishchi guruhi tuzildi.
Izoh (0)