AQSh Yaponiya bilan tig‘iz aloqalarni yo‘lga qo‘ygan va harbiy-siyosiy masalalardagi harakatlarini muvofiqlashtirib boradi. Bu haqda AQSh prezidentining milliy xavfsizlik bo‘yicha yordamchisi Gerbert Makmaster Yaponiyaning NHK telekanaliga bergan intervyusida ma’lum qildi, deya xabar beradi “TASS”.
Telekanal tomonidan Makmasterga Vashington Tokioni Shimoliy Koreyaga nisbatan harbiy kuch ishlatilishi haqida ogohlantirilishi yoki yo‘qligi haqida savol berildi.
“Biz doim ittifoqdoshlarimiz bilan birgamiz, ochiq va shaffof munosabatlar o‘rnatganmiz. Yaponiya va Amerika turli darajalarda birgalikda qadam tashlamoqda. Ikki davlat ham harbiy-siyosiy masalalardagi harakatlarini muvofiqlashtirib boradi”, — dedi Makmaster.
Ma’lumot uchun, AQSh prezidenti Donald Tramp 5—7-noyabr kunlari Yaponiyaga tashrif buyuradi.
Izoh (0)