AQSh Qurolli kuchlari Somalidagi IShID terrorchilik tashkilotiga aloqasi bor jangarilarga birinchi bor zarba berdi. Bu haqda Associated Press agentligi Amerika rasmiylariga tayanib ma’lum qildi, deb xabar berdi “TASS”.
Ma’lumotlarga ko‘ra, 3-noyabr, jumaga o‘tar kechasi mamlakat shimoli-sharqidagi hududlarga bir necha soat farq bilan ikkita zarba amalga oshirilgan.
Amalga oshirilgan zarbalar haqida birinchi bo‘lib xabar bergan mahalliy hukumatning tasdiqlashicha, atiga oltita raketa uchirilgan. Raketalarni uchirishdan maqsad — Kandala shahridan 60 kilometr naridagi qishloqqa o‘rnashib olgan terrorchilik tashkilotining mahalliy rahbarlarini yo‘q qilish bo‘lgan.
Ushbu ma’lumot hozircha rasman tasdiqlanmadi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)