АҚШ Япония билан тиғиз алоқаларни йўлга қўйган ва ҳарбий-сиёсий масалалардаги ҳаракатларини мувофиқлаштириб боради. Бу ҳақда АҚШ президентининг миллий хавфсизлик бўйича ёрдамчиси Герберт Макмастер Япониянинг NHK телеканалига берган интервьюсида маълум қилди, дея хабар беради «ТАСС».
Телеканал томонидан Макмастерга Вашингтон Токиони Шимолий Кореяга нисбатан ҳарбий куч ишлатилиши ҳақида огоҳлантирилиши ёки йўқлиги ҳақида савол берилди.
«Биз доим иттифоқдошларимиз билан биргамиз, очиқ ва шаффоф муносабатлар ўрнатганмиз. Япония ва Америка турли даражаларда биргаликда қадам ташламоқда. Икки давлат ҳам ҳарбий-сиёсий масалалардаги ҳаракатларини мувофиқлаштириб боради», — деди Макмастер.
Маълумот учун, АҚШ президенти Дональд Трамп 5—7 ноябрь кунлари Японияга ташриф буюради.
Изоҳ (0)