Zimbabve politsiyasi mamlakat prezidenti Robert Mugabeni Twitter’da “goblin” deb atagan AQShlik ayolni qo‘lga oldi. Bu haqda Reuters’ga tayanib, Meduza xabar berdi.
Amerika fuqarosi 3-noyabr kuni o‘z xonadonida qo‘lga olingan. Uning noutbuki musodara qilingan. Politsiya uning uyida “prezidentni haqoratlash” tergov ishi bo‘yicha tintuv o‘tkazdi. Tergovga amerikalik fuqaroning “Rolls-Royce sotib olgan ‘goblin’ning qarindoshlari” haqidagi tviti sabab bo‘lgan. O’Donovan prezident Mugabe ismini o‘z tvitida keltirmagan.
Marta qo‘lga olingan kun uning Twitter’dagi akkaunti bloklandi.
Qo‘shma Shtatlar fuqarosining qo‘lga olinganligini AQShning Xararedagi elchixonasi ham tasdiqladi. Amerikalik diplomatlar vaziyatni diqqat bilan kuzatayotganini ma’lum qildi.
Agarda O’Donovan aybdor deb topilsa, u bir yilgacha ozodlikdan mahrum qilinishi mumkin.
Eslatib o‘tamiz, 2017-yilning sentabr-oktabr oylarida OAVlar Zimbabve prezidentining rafiqasi va uning birinchi nikohidan tug‘ilgan o‘g‘illari JARda bir nechta Rolls-Royce avtomobillarini sotib olganligi haqida xabar tarqatgandi.
Izoh (0)