Xiaomi kompaniyasi 11-noyabr kuni bir vaqtning o‘zida uchta yangi modelini, jumladan, Redmi Note 5 hamda Redmi 5 Plus’ni taqdim etishga tayyorlanmoqda, deb xabar berdi “Hi-tech.mail.ru”.
Redmi 5 Plus bilan birgalikda Xiaomi kompaniyasi birinchi marta budjet segmentida hoshiyasiz dizaynni taqdim etadi. Mish-mishlarga ko‘ra smartfonning tomonlar nisbati 18:9 bo‘lib, to‘rt tomonidan ultraingichka hoshiya bilan chegaralanadi. Qurilmaning old panelida hech qanday tugmalar yo‘q, barmoq izi skaneri orqa tomonida joylashgan.
Qurilma orqa tomonidan Xiaomi’ning ikkita kamerali birinchi smartfoni — Redmi Pro’ga juda o‘xshash. Vertikal joylashgan ikkita kamera ostida LED chirog‘i va barmoq izi skaneri mavjud. Redmi 5 Plus odatdagi Redmi 5’da kattaroq bo‘lishi kutilmoqda.
Xiaomi Redmi 5 Plus’ning dastlablik texnik tavsifi:
- Displey: 5,99 dyuymli 2160 x 1080 (FHD +);
- Protsessor: Snapdragon 625 (yoki Snapdragon 450);
- Xotira: 3/4 gigabayt tezkor va 32/64 ichki xotira;
- Kamera: asosiy, ikkita: 12 megapiksell + 5 megapiksell;
- Akkumulyator: noma’lum;
- Operatsion tizimi: Android 7.1
Izoh (0)