Amerikaning Google korporatsiyasi dovuldan aziyat chekkan Puerto-Riko aholisiga havoga uchirilgan sharlar orqali simsiz ulaniladigan internetdan foydalanish imkonini taqdim etadi, deb xabar beradi “TASS”.
Xabarda qayd etilishicha, hozircha maxsus uskunalar bilan ta’minlangan bir nechta sharlar havoga uchirilgan. Ular yerdan 18 ming metr balandlikda joylashgan va sharlar yordamida Wi-Fi’ga ulanish mumkin. Sharlar quyosh energiyasidan quvvat oladi va shuning uchun ularga faqat kunduz kuni ulanish mumkin.
Korporatsiya yaqin vaqt ichida yana bir nechta aerostatlarni havoga uchirishni rejalashtirmoqda.
Google AQShning aloqa bo‘yicha federal komissiyasi bilan kelishgan holda Puerto-Rikoning eng chekka hududlarida ham internetdan foydalanish imkonini beruvchi 30 ta sharlarni uchirishni rejalashtirgan.
Avvalroq, AQShning yetakchi texnologik kompaniyalari vakillari Puerto-Rikoni qo‘llab-quvvatlashga tayyorligi haqida ma’lum qilgan edi. Xususan, Facebook asoschisi Mark Sukerberg orol davlatga dovuldan so‘ng ishdan chiqqan kommunikatsion infratuzilmalarni qayta tiklashga ko‘maklashuvchi mutaxassislar guruhini jo‘natishni rejalashtirayotganini aytgan edi.
Tesla korporatsiyasi xodimlari Puerto-Rikodagi shifoxonalarga quyosh batareyalarini o‘rnatishga kirishdi.
Izoh (0)