O‘zbekiston bosh vaziri Abdulla Aripov boshchiligidagi delegatsiya 30-oktabr kuni Ozarbayjonga yetib keldi. Haydar Aliyev nomidagi xalqaro aeroportda mehmonni Ozarbayjon bosh vaziri Yoqub Ayyubov kutib oldi, deb xabar berdi “Vesti Kavkaza”.
Tashrif dasturiga ko‘ra, Aripov “Baku—Tbilisi—Kars” temir yo‘l yo‘nalishining ochilish marosimida ishtirok etishi kutilmoqda.
Ushbu yo‘nalishda O‘zbekiston uchun Navoiy—Turkmanboshi—Boku—Tbilisi—Kars temir yo‘l transport koridorlaridan foydalanish ahamiyatga ega. Bu temir yo‘llar O‘zbekiston, Turkmaniston, Ozarbayjon va Gruziyani Turkiya tarmog‘i bilan bog‘laydi va O‘rtayer dengiziga Mersin porti orqachi chiqishni ta’minlab beradi.
Hozirgi kunda Baku-Tbilisi-Kars temir yo‘lining maksimal quvvati yiliga 17 million tonnani tashkil etadi, koridorning ekspluatatsiya bosqichidagi ko‘rsatkichi yiliga bir million yo‘lovchi va 6,5 million tonna yukni o‘tkazish darajasiga teng bo‘ladi.
Izoh (0)