APL. “Yunayted” markaziy o‘yinda “Tottenhem”ni mag‘lub etdi. “Chelsi”, “Siti”, “Liverpul” va “Arsenal”da g‘alaba

APL 10-turida chempionlik uchun da’vogar bo‘lgan 6 klubning barchasi maydonga tushib ulgurdi. Ular orasidan faqatgina “Tottenhem” ochko yo‘qotdi.

“Shporlar” markaziy o‘yinni “Old Trafford”da “Yunayted”ga qarshi o‘tkazib, 0:1 hisobida imkoniyatni boy berdi. O‘yindagi yagona gol fransiyalik Antoni Marsyal tomonidan fransiyalik darvozabon Ugo Lyoris postiga urildi.

Gvardiola boshqaruvidagi “Siti” esa 10 ta turning 9 tasida g‘olib chiqib, rekordlarni urishda davom etmoqda. “Vest Bromvich” maydoniga safar etgan “shaharliklar” 3:2 hisobida hisobida muvaffaqiyat qozondi.

Angliya Liga Kubogida “Tottenhem”ga chiqish eshiklarini ko‘rsatib qo‘ygan “Vest Hem” London derbisida “Kristal Pelas” bilan durang o‘ynadi. 2 ta gol farqi bilan oldinda borayotgan Slaven Bilich jamoasi, yakunda 2 ta gol o‘tkazib yubordi. “Arsenal” esa Uels klubini qabul qilib, irodali g‘alabaga erishdi.

APLning amaldagi chempioni “Chelsi”ga Eden Azarning safarda urgan goli yordam berdi. Bunda belgiyalik futbolchiga pasni ispaniyalik Alvaro Morata tashlab berdi.

Yurgen Kloppning “Liverpul”i debyutant klub, o‘tgan turda “Yunayted”ni taslim qilgan “Xaddersfild”ni qabul qilib, birinchi bo‘limda gol ura olmagandi. Shundan keyin “Enfild” o‘z futbolchilariga hushtak chalishni boshladi. Misrni penaltidan urilgan gol sabab Jahon Chempionatiga olib chiqqan Muhammad Saloh shu kuni 11 metrlik zarbadan foydalana olmadi.

2-taymda esa “mersisayd” klubini to‘xtatib bo‘lmadi. Klopp jamoasi bu safar 3 ta gol urib, yirik g‘alabani tantana qildi. Saloh golli pas berdi.

Angliya Premyer-Ligasi 10-tur bellashuvlari 28-oktabr, shanba

“Manchester Yunayted” — “Totenhem” 1:0

Gol: Antoni Marcyal, 81 (1:0).

“Uotford” — “Stok Siti” 0:1

Gol: Darren Fletcher, 16 (0:1).

“Liverpul” — “Xaddersfild” 3:0

Gollar: Daniel Starridj, 50 (1:0). Roberto Firmino, 58 (2:0). Jorjinyo Veynaldum, 75 (3:0).Noaniq penalti: Muhammad Saloh, 42 (L).

“Kristal Pelas” — “Vest Hem” 2:2

Gollar: Xavyer Ernandes, 31 (0:1). Andre Ayyu, 43 (0:2). Luka Milivoyevich, 50-pen (1:2). Uilfrid Zaxa, 97+ (2:2).

“Vest Bromvich” — “Manchester Siti” 2:3

Gollar: Leroy Sane, 10 (0:1). Jey Rodriges, 13 (1:1). Fernandinyo, 15 (1:2). Rahim Sterling, 65 (1:3). Mett Fillips, 92+ (2:3).

“Arsenal” — “Suonsi” 2:1

Gollar: Sem Klukas, 22 (0:1). Sead Kolashinats, 51 (1:1). Aaron Remzi, 58 (2:1).

“Bornmut” — “Chelsi” 0:1

Gol: Eden Azar, 51 (0:1).

29-oktabr, yakshanba“Brayton” — “Sautgempton” — 18:30“Lester” — “Everton” — 21:00 Futbol-TV

30-oktabr, dushanba“Byornli” — “Nyukasl” — 01:00