АПЛ. «Юнайтед» марказий ўйинда «Тоттенҳэм»ни мағлуб этди. «Челси», «Сити», «Ливерпуль» ва «Арсенал»да ғалаба

АПЛ 10-турида чемпионлик учун даъвогар бўлган 6 клубнинг барчаси майдонга тушиб улгурди. Улар орасидан фақатгина «Тоттенҳэм» очко йўқотди.

«Шпорлар» марказий ўйинни «Олд Траффорд»да «Юнайтед»га қарши ўтказиб, 0:1 ҳисобида имкониятни бой берди. Ўйиндаги ягона гол франциялик Антони Марсьяль томонидан франциялик дарвозабон Уго Льорис постига урилди.

Гвардиола бошқарувидаги «Сити» эса 10 та турнинг 9 тасида ғолиб чиқиб, рекордларни уришда давом этмоқда. «Вест Бромвич» майдонига сафар этган «шаҳарликлар» 3:2 ҳисобида ҳисобида муваффақият қозонди.

Англия Лига Кубогида «Тоттенҳэм»га чиқиш эшикларини кўрсатиб қўйган «Вест Ҳэм» Лондон дербисида «Кристал Пэлас» билан дуранг ўйнади. 2 та гол фарқи билан олдинда бораётган Славен Билич жамоаси, якунда 2 та гол ўтказиб юборди. «Арсенал» эса Уэльс клубини қабул қилиб, иродали ғалабага эришди.

АПЛнинг амалдаги чемпиони «Челси»га Эден Азарнинг сафарда урган голи ёрдам берди. Бунда бельгиялик футболчига пасни испаниялик Альваро Мората ташлаб берди.

Юрген Клоппнинг «Ливерпуль»и дебютант клуб, ўтган турда «Юнайтед»ни таслим қилган «Хаддерсфилд»ни қабул қилиб, биринчи бўлимда гол ура олмаганди. Шундан кейин «Энфилд» ўз футболчиларига ҳуштак чалишни бошлади. Мисрни пенальтидан урилган гол сабаб Жаҳон Чемпионатига олиб чиққан Муҳаммад Салоҳ шу куни 11 метрлик зарбадан фойдалана олмади.

2-таймда эса «мерсисайд» клубини тўхтатиб бўлмади. Клопп жамоаси бу сафар 3 та гол уриб, йирик ғалабани тантана қилди. Салоҳ голли пас берди.

Англия Премьер-Лигаси 10-тур беллашувлари 28 октябрь, шанба

«Манчестер Юнайтед» — «Тотенҳем» 1:0

Гол: Антони Марcьяль, 81 (1:0).

«Уотфорд» — «Сток Сити» 0:1

Гол: Даррен Флетчер, 16 (0:1).

«Ливерпуль» — «Хаддерсфилд» 3:0

Голлар: Даниэл Старриж, 50 (1:0). Роберто Фирмино, 58 (2:0). Жоржиньо Вейналдум, 75 (3:0).Ноаниқ пенальти: Муҳаммад Салоҳ, 42 (Л).

«Кристал Пэлас» — «Вест Ҳэм» 2:2

Голлар: Хавьер Эрнандес, 31 (0:1). Андре Айю, 43 (0:2). Лука Миливоевич, 50-пен (1:2). Уилфрид Заха, 97+ (2:2).

«Вест Бромвич» — «Манчестер Сити» 2:3

Голлар: Лерой Сане, 10 (0:1). Жей Родригес, 13 (1:1). Фернандиньо, 15 (1:2). Раҳим Стерлинг, 65 (1:3). Мэтт Филлипс, 92+ (2:3).

«Арсенал» — «Суонси» 2:1

Голлар: Сэм Клукас, 22 (0:1). Сеад Колашинац, 51 (1:1). Аарон Рэмзи, 58 (2:1).

«Борнмут» — «Челси» 0:1

Гол: Эден Азар, 51 (0:1).

29 октябрь, якшанба«Брайтон» — «Саутгемптон» — 18:30«Лестер» — «Эвертон» — 21:00 Futbol-TV

30 октябрь, душанба«Бёрнли» — «Ньюкасл» — 01:00