Argentina Tashqi ishlar vazirligi mamlakat hukumati Ispaniyaning hududiy yaxlitligi saqlanib qolishiga va Ispaniyadagi qonuniy tartib tinch yo‘l bilan qayta tiklanishiga umid qilayotganini ma’lum qildi. Bu haqda “Kommersant” xabar bermoqda.
“Argentina hukumati Kataloniya parlamenti tomonidan mustaqillik e’lon qilinishini tan olmaydi va rad etadi”, — deyiladi Argentina TIV saytida e’lon qilingan bayonotda.
Meksika tashqi ishlar vaziri Luis Videgaray ham taxminan shunday bayonot bilan chiqish qildi. Uning qayd etishicha, “murakkab tarixiy nizo” yechimi “kuch emas, balki dalillar vositasida” topilishi lozim.
Turkiya tashqi siyosat idorasi ham Kataloniya parlamenti tomonidan mustaqillik e’lon qilinganini qoraladi. TIV bayonotiga ko‘ra, Kataloniya parlamentining bu qarori Ispaniya Konstitutsiyasiga zid.
“Do‘stimiz ham ittifoqchimiz hisoblangan Ispaniya bu sinovga bardosh bera olishiga shubhamiz yo‘q. Turkiya hukumati Ispaniya rahbariyatining bu yo‘nalishdagi harakatlarini qo‘llab-quvvatlaydi”, — deyiladi turk vazirligi bayonotida.
Mavzuga doir: AQSh, Britaniya, Fransiya, Germaniya va Kanada Kataloniyaning mustaqilligini tan olmadi
Izoh (0)