Nepal markazida avtobusning daryoga qulashi oqibatida halok bo‘lganlar soni 31 kishigacha ko‘paydi. Bu haqda, Kathmandu Post nashriga asoslanib, “RIA Novosti” agentligi xabar bermoqda.
Avvalroq hodisa oqibatida 20 ga yaqin odam halok bo‘lgani haqida xabar berilgan edi.
Yo‘lovchilar bilan to‘la bo‘lgan avtobus mamlakta janubi-sharqidagi Rajbiraj shahridan poytaxt Katmanduga ketayotgan bo‘lgan. Hodisa 28-oktabr, shanba kuni mahalliy vaqt bilan tong soat 5:30 da yuz bergan.
Xabar berishlaricha, tan jarohati olganiga qaramay, 15 nafar yo‘lovchi o‘z jonini saqlab qolishga muvaffaq bo‘lgan. Avtobusda bo‘lgan yo‘lovchilarning aniq soni noma’lum.
Omon qolganlarning so‘zlariga ko‘ra, avtobus salonida 50 ga yaqin odam bo‘lgan. Bundan tashqari, avtobusning tomida yana bir necha kishi o‘tirib ketayotgan bo‘lgan.
Izoh (0)