Tarmoqda Pittsburgdagi (AQSh) kuzatish kameralaridan olingan va erkak ayolga qo‘l ko‘targani, o‘smirlar guruhi esa uni tunagani aks etgan video paydo bo‘ldi. Bu haqda “RIA Novosti” xabar bermoqda.
CBS telekanalida namoyish etilgan rolikda erkak ayolni tepgani va qo‘li bilan zarb berganini ko‘rish mumkin. Shundan so‘ng ayol yerga qulagan.
Unga o‘smirlar guruhi yaqinlashib, uning yonidagi qandaydir buyumni olgan, so‘ng ayolni tasvirga tushirgan. Ulardan biri hatto ayolning yonida yotib, selfiga ham tushgan.
Ayol yo‘lkada hushi o‘ziga kelguncha qolib ketgan. Uning uchun hech kim tibbiy yordam chaqirmagan. Hozirda politsiya mazkur hodisa yuzasidan tekshiruv olib bormoqda, biroq hali aybdorlarni topgani yo‘q.
HORRIFIC VIDEO: #Pittsburgh woman knocked out cold. Men take videos, rob her, even take selfies. NOBODY CALLED 911. https://t.co/5dftQwAzT6 pic.twitter.com/sSEOlWIRnx
— Tim Williams (@realtimwilliams) October 26, 2017
Telekanal muxbiri Marti Griffin bu ayolni qidirib topdi. U narkotiklar masalasida jiddiy muammolarga duch kelgan mahalliy fuqaro bo‘lib chiqdi. Griffin ayol va uning onasi bilan suhbatlashib, ularga yordam taklif qildi. Natijada ayol reabilitatsiya markaziga yotqizildi.
Izoh (0)