Тармоқда Питтсбургдаги (АҚШ) кузатиш камераларидан олинган ва эркак аёлга қўл кўтаргани, ўсмирлар гуруҳи эса уни тунагани акс этган видео пайдо бўлди. Бу ҳақда «РИА Новости» хабар бермоқда.
CBS телеканалида намойиш этилган роликда эркак аёлни тепгани ва қўли билан зарб берганини кўриш мумкин. Шундан сўнг аёл ерга қулаган.
Унга ўсмирлар гуруҳи яқинлашиб, унинг ёнидаги қандайдир буюмни олган, сўнг аёлни тасвирга туширган. Улардан бири ҳатто аёлнинг ёнида ётиб, селфига ҳам тушган.
Аёл йўлкада ҳуши ўзига келгунча қолиб кетган. Унинг учун ҳеч ким тиббий ёрдам чақирмаган. Ҳозирда полиция мазкур ҳодиса юзасидан текширув олиб бормоқда, бироқ ҳали айбдорларни топгани йўқ.
HORRIFIC VIDEO: #Pittsburgh woman knocked out cold. Men take videos, rob her, even take selfies. NOBODY CALLED 911. https://t.co/5dftQwAzT6 pic.twitter.com/sSEOlWIRnx
— Tim Williams (@realtimwilliams) October 26, 2017
Телеканал мухбири Марти Гриффин бу аёлни қидириб топди. У наркотиклар масаласида жиддий муаммоларга дуч келган маҳаллий фуқаро бўлиб чиқди. Гриффин аёл ва унинг онаси билан суҳбатлашиб, уларга ёрдам таклиф қилди. Натижада аёл реабилитация марказига ётқизилди.
Изоҳ (0)