Toshkentda Ichki ishlar idoralari xodimlariga bayram dasturxoni yozildi

Bugun, 25-oktabr kuni O‘zbekiston Respublikasi Ichki ishlar idoralari xodimlari kuni munosabati bilan Toshkent shahar hokimligi tomonidan poytaxtning “Sayohat” tantanalar zalida bayram dasturxoni tashkil etildi. Bu haqda “Telegraf.uz” xabar bermoqda.

Tadbirda Toshkent shahar hokimi Rahmonbek Usmonov, shahar IIBB boshlig‘i general-mayor Bahodir Qurbonov  va boshqa mutasaddi rahbarlar ishtirok etdi.

“Ichki ishlar idoralari shaxsiy tarkibining nafaqat kasb mahorati, balki ma’naviy-ma’rifiy, siyosiy-ijtimoiy va huquqiy bilimini oshirish, xodimlarni ijtimoiy himoyalash, ularning xizmatini rag‘batlantirish borasida olib borilayotgan ishlar sohadagi yutuqlarni ko‘paytirmoqda. Shu paytga qadar bir ming 500 dan ortiq profilaktika inspektori xizmat uyi va imtiyozli avtotransport vositasi bilan ta’minlandi”, — deyiladi xabarda.

Tadbirda bir guruh ichki ishlar xodimlariga esdalik sovg‘alari tantanali ravishda topshirildi.