Бугун, 25 октябрь куни Ўзбекистон Республикаси Ички ишлар идоралари ходимлари куни муносабати билан Тошкент шаҳар ҳокимлиги томонидан пойтахтнинг «Саёҳат» тантаналар залида байрам дастурхони ташкил этилди. Бу ҳақда «Telegraf.uz» хабар бермоқда.
Тадбирда Тошкент шаҳар ҳокими Раҳмонбек Усмонов, шаҳар ИИББ бошлиғи генерал-майор Баҳодир Қурбонов ва бошқа мутасадди раҳбарлар иштирок этди.
«Ички ишлар идоралари шахсий таркибининг нафақат касб маҳорати, балки маънавий-маърифий, сиёсий-ижтимоий ва ҳуқуқий билимини ошириш, ходимларни ижтимоий ҳимоялаш, уларнинг хизматини рағбатлантириш борасида олиб борилаётган ишлар соҳадаги ютуқларни кўпайтирмоқда. Шу пайтга қадар бир минг 500 дан ортиқ профилактика инспектори хизмат уйи ва имтиёзли автотранспорт воситаси билан таъминланди», — дейилади хабарда.
Тадбирда бир гуруҳ ички ишлар ходимларига эсдалик совғалари тантанали равишда топширилди.
Изоҳ (0)