Fransiya parlamenti 2018-yil uchun choralar paketini qabul qildi. Mazkur choralardan biri boylik uchun soliq 70 foizga kamaytirilishini nazarda tutadi, deya xabar beradi “Korrespondent.net”.
Financial Times nashriga ko‘ra, mulk aktivlaridan tashqari barcha soliqqa tortishlar rasman bekor qilindi. Shuningdek, 30 foizli kapital, dividendlar va tushum oshishiga taalluqli daromad solig‘i joriy etildi.
Emmanuel Makronning raqiblari soliqlar kamaytirilishini amaldagi prezidentning saylov kampaniyasini moliyalashtirgan biznesmenlarga minnatdorlik ramzi sifatida qabul qildi.
Eslatib o‘tamiz, 2013-yili Fransiya konstitutsiyaviy sudi prezident Fransua Ollandning yiliga million yevrodan oshiq maoshlarga 75 foizli soliq joriy etish to‘g‘risidagi qarorini ma’qullgandi.
Izoh (0)