Moskvadagi Four Seasons mehmonxonasida otishma uyushtirgan va bezorilikda ayblangan milliarder Umar Jabroilov tergovdan uning ishini alohida tartibda ko‘rib chiqishni so‘radi. Bu haqda huquq-tartibot idoralaridagi manbaga tayanib, “TASS” ma’lum qildi.
“Jabroilov aybini tan oldi va qilmishidan afsus bildirmoqda. Yuz bergan holatni Chechenistondagi jangovar harakatlarda orttirilgan bir necha kontuziya bilan izohladi. U tergovdan ishini alohida tartibda ko‘rib chiqilishini so‘radi. Vaziyatdan to‘g‘ri xulosa chiqardi va Moskvada o‘qotar qurol olib yurmaslik haqidagi to‘xtamga keldi”, — ta’kidladi manba.
Biznesmenga oldinroq tayinlangan psixiatriya ekspertizasi natijalariga to‘xtalar ekan, manba Jabroilov aql-hushi joyida deb topilganini ma’lum qildi. Shuningdek, mehmonxonadagi xonasida hech qanday narkotik modda topilmaganini bildirdi.
Izoh (0)