Xorazm viloyati Shovot tumanida yashovchi 1965-yilda tug‘ilgan Sh.I. bozordagi savdogarlarning ko‘zini shamg‘alat qilib, rastada turgan sotiladigan mollarni o‘g‘irlashni odat qilib olgan edi. Ana shunday qilig‘i sababli 2012-yilda sudning “qora kursi”siga o‘tirgan bo‘lsada, bundan o‘ziga xulosa chiqarmadi, deb xabar beradi Xorazm viloyat IIB.
“Ayol eski hunarini qo‘msab, 2017-yilning 17-oktabr kuni Urganch shahrida joylashgan savdo majmuasidagi rastalarni oralab qoldi. Ayanchlisi shundaki, bu safar u o‘zining jirkanch ishiga 1995-yilda tug‘ilgan qizini ham jalb qildi”, — deyiladi IIB xabarida.
Oldindan jinoiy til biriktirib olgan ona-bolaning biri sotuvchini chalg‘itib turgan, ikkinchisi rastada turgan narxi 600 ming so‘mlik matoni o‘g‘irlab ketayotganida qo‘lga tushgan.
Mazkur holat yuzasidan jinoyat ishi qo‘zg‘atilib, tergov harakatlari olib borilmoqda.
Izoh (0)