Хоразм вилояти Шовот туманида яшовчи 1965 йилда туғилган Ш.I. бозордаги савдогарларнинг кўзини шамғалат қилиб, растада турган сотиладиган молларни ўғирлашни одат қилиб олган эди. Ана шундай қилиғи сабабли 2012 йилда суднинг «қора курси»сига ўтирган бўлсада, бундан ўзига хулоса чиқармади, деб хабар беради Хоразм вилоят ИИБ.
«Аёл эски ҳунарини қўмсаб, 2017 йилнинг 17 октябрь куни Урганч шаҳрида жойлашган савдо мажмуасидаги расталарни оралаб қолди. Аянчлиси шундаки, бу сафар у ўзининг жирканч ишига 1995 йилда туғилган қизини ҳам жалб қилди», — дейилади ИИБ хабарида.
Олдиндан жиноий тил бириктириб олган она-боланинг бири сотувчини чалғитиб турган, иккинчиси растада турган нархи 600 минг сўмлик матони ўғирлаб кетаётганида қўлга тушган.
Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)