O‘zbekiston Prezidenti Shavkat Mirziyoyev 19-oktabr kuni Qirg‘iziston tashabbusiga ko‘ra Qirg‘iziston prezidenti Almazbek Atamboyev bilan telefon orqali muloqot qildi. Bu haqda O‘zA xabar bermoqda.
Suhbat davomida Shavkat Mirziyoyev Almazbek Atamboyevni 15-oktabr kuni Qirg‘iziston prezidenti saylovi muvaffaqiyatli o‘tgani bilan tabrikladi.
Mavzuga doir: Shavkat Mirziyoyev Almazbek Atamboyevni Qirg‘iziston prezidenti saylovi muvaffaqiyatli o‘tgani bilan tabrikladi
O‘zbekiston—Qirg‘iziston davlat chegaralarining qolgan uchastkalariga oid tegishli shartnomani huquqiy jihatdan rasmiylashtirish va imzolash jarayonini tezroq yakunlash, shuningdek, chegara o‘tkazish punktlarining samarali faoliyatini ta’minlashdan ikki tomon ham manfaatdor ekani ta’kidlandi.
Transport-kommunikatsiya tizimidagi o‘zaro aloqalar, xususan, shu oyning oxiriga rejalashtirilgan “Toshkent—Andijon—O‘sh—Irkeshtom—Qoshg‘ar” yo‘nalishi bo‘yicha hamkorlikda avtomobil qatnovini sinovdan o‘tkazish muhim ahamiyatga ega ekani qayd etildi.
Izoh (0)